Na Barnabas Kisengi, Kwimba Mwanza.

Jitihada za Serikali kupitia wizara ya Elimu na Mafunzo ya ufundi  za ukarabati wa Miundombinu vyuo vya maendeleo ya wananchi nchini [FDC]umechochea   ongezeko la udahili wa wanafunzi katika chuo cha Maendeleo ya Wananchi Malya FDC kutoka wanafunzi 60 hadi zaidi ya wanafunzi 500 kwa mwaka.

Hayo yamebainishwa leo Julai 29,2021  jijini Mwanza  na Mratibu wa mafunzo chuo cha Maendeleo ya Wananchi Malya-FDC George Lubinza wakati akifanya mahojiano na  Morning Star Radio ambapo amesema  mwaka 2015 udahili ulikuwa chini lakini sasa upo hadi asilimia 80%.

Aidha,Lubinza amesema chuo hicho kimeanzisha program  ya elimu haina mwisho kinachomwezesha mwanafunzi wa kike aliyekatishwa masomo kutokana na mimba kuendelea na masomo na hadi sasa kukiwa na wanafunzi  wa kike 97 huku pia kukianzishwa program ya Malezi[ECD] .

Domina Damat   ni miongoni mwa wanafunzi wanaosomea kozi  ya malezi ameleezea jinsi jamii ilivyo na mtazamo hasi juu ya kozi hiyo ya malezi ya watoto.

Chuo cha Maendeo ya Wananchi Malya  FDC ni miogoni mwa Vyuo 54 nchini vilivyoanzishwa mwaka 1975  chini ya Muasisi ya Taifa la Tanzania Mwalimu Julius Kambarage Nyerere lakini kwa muda mrefu vilitelekezwa na kwa utambua umuhimu wa vyuo hivi katika jamii Serikali  imeamua  kuviboresha kwa kukarabati miundombinu pamoja na kuoneza kozi.