WAZIRI MKUU, Kassim Majaliwa leo Juni 16, 2022 amekutana na kufanya mazungumzo na Balozi wa Marekani Nchini Tanzania Dkt. Donald J. Wright katika Ofisi ndogo za Waziri Mkuu zilizopo Magogoni jijini Dar es Salaam.

Waziri Mkuu na Balozi Wright wamezungumzia namna nzuri ya kuimarisha ushirikiano mzuri uliopo kati ya nchi hizo mbili katika Sekta za Teknolojia, Uwekezaji, Afya, Biashara, Utalii, Kilimo pamoja na sekta ya usafirishaji.

Aidha, Waziri Mkuu ameishukuru Serikali ya Marekani kwa ushirikiano wanaoendelea kuutoa kwa Tanzania kwa muda mrefu katika sekta mbalimbali za kimaendeleo.

Kwa upande wake balozi Wright amesema Serikali ya Marekani itaendelea kushirikiana na Tanzania katika nyanja mbalimbali za kiuchumii, kijamii na maendeleo kwa ujumla.