Dar es Salaam. Mamlaka ya Hali ya Hewa Tanzania (TMA) imetoa tahadhari ya mvua kubwa itakayonyesha leo Ijumaa Januari 15, 2021 huku siku zinazofuata zikitarajiwa kuwa shwari hadi Januari 18.

Kwa mujibu wa taarifa iliyotolewa na mamlaka hiyo jana imesema kuwa utabiri huo wa siku tano kuanzia leo unaonyesha kuwepo kwa mvua kubwa katika baadhi ya maeneo na kutoa taadhari hasa wa kazi wa Mkoa wa Tabora, Singida, Dodoma, Ruvuma, Mahenge, Rukwa, Mbeya, Songwe, Iringa na Njombe huku uwezekano wa kutokea kwa utabiri huo ukiwa wa wastani.

Taarifa imeeleza kuwa athari zinazoweza kujitokeza ni baadhi ya makazi kuzungukwa na maji pamoja na ucheleweshwaji wa baadhi ya shughuli za usafirishaji.